可能近排臨別依依，感想都特別多，今日(6.24)，係打畢業生告別賽的日子。
既然係甘，就記錄一下今日發生左咩啦！

---

12點左右：係尋日找翻黎的網址到down緊新貨，補充國富的ftp vip通道。
1點幾左右：訓上床，校左8:20的鬧鐘。
2-3點：狂打雷！又大雨！又閃電！整到我訓唔著！！
8:20：鬧鐘響，訓多十分鐘。
8:29：鬧鐘響，再訓多十分鐘。
8:38：鬧鐘響，再訓多十分鐘
8:47：鬧鐘響，再訓多十分鐘。
中間國富打過電話黎，呃我話d人到曬…

---

8:50左右：起身沖涼！
沖完見到世杰買第五街的短信。

出門口前想起我房有好多新羽毛球，想打比小玉問下洗唔洗帶，點知佢無聽我電話。

---

極速踩車到西食，見到annie係我前面，同佢講兩句，想凶下佢，
點知佢扮驚，退後兩步，然後回馬槍一拳打過黎…

---

到體育館已經遲大到啦（annie其實早我幾十秒左右），點知好采都未係最遲，射波先。
覺得自己跳得越來越矮，可能老左啦？
係我後面依次登場既係立新，阿施，阿瑜同nona，隔左一陣開波。

---

第一節手風順射入左兩波（三波？），反正又係打波啦，無咩好講。
今日覺得自己唔係好識打，無咩走位意識，好似上次上澳聯同阿施打夾d。

---

比賽畢業生勝，本來想放小小水，點知控制唔到，被人放翻轉頭水我地都唔入…

賽後打排球失敗，因為洞中有老鼠屍體…

---

早早收場，12點幾離開球場，沖翻屋企沖涼（計落原來今日沖左四次）
1點門口集合去食飯。我係我個team最早哥個（幾分鐘），跟住賤格的阿水、阿瑜自己走左去。
幸好強佢地突然出現！唔洗再等…

---

本來我同敏強同國富同劉理坐一部車，點知多左精華，結果都係坐一部車。
車裡有冷氣，好涼，唔想走。
仆街精華就開左烏鴉口講左句：‘食飯度無冷氣點算？’
結果就真係無冷氣，成餐飯食到大汗踏細汗，無心機食，
玩手機的變態program，發現原來第一次連要驗證，
所以取消左要偷睇街邊d人既msg既想法。
余生（原淫賤小朋友——現淫賤小王子）部手機被我奸左好多暈，奸到要狂重開機！正！
奸人地部手機都幾好玩！
另外，非sony既手機原來都不能奸人或被人奸，
估唔到sony甘cheap，肥水不流別人田，只可以近親相奸下……

傻阿水差D就比我成功甘加左籃牙，阻頭阻勢既阿瑜成功破滅左我既陰謀…

---

食完飯去左唱K，走左好多人，剩翻：（依年級排）
我
強，sa，劉理，瑜（見你細我dd，張你排落一級啦）
馬仔，精華，水
國富，施
（估唔到我越黎越老，下次要同d老過自己的人一齊，我唔想做澳門的叔公…）

唱K又係無驚無險，新K房都算幾ok，好又多樓上，上次見到的特殊服務唔通睇錯？

唱歌當然又要打牌，估唔到一開始就打破左玩找朋友唔輸唔贏的最高境界，無憾了…

---

阿水的潛能又被發掘左…拍‘節’…怕且以後會變成神奇小玉第二了…
我今次唔係好想打牌，比較想唱歌，但係要揀歌又唔知揀咩，都係唱人地點哥d…
然後又唱左好多首舊歌，其中〔我至叻〕係第一次唱…（真係唔認老都唔得…）

---

唱K到五點幾，強sa富就走去睇VOS啦，應該既，大四最後一年啦，我呢D老人家就黎係K房繼續玩啦。
之後打翻鋤D，我都輸，不過唔係輸最多啦，反正最後又無計錢。

6點13分唱完K，我地用絕招勁歌金曲黎dom波鐘，點知呢度會直接cut架…

---

落到黎，我地都無下場啦，目送施瑜水qq的離去，我地都搭qq翻交大，
非常的後悔，點解唔"叫"埋雞先返黎？反正都順便係隔黎，好耐無"叫"啦，身痕…
（細路，妹，我知你地睇緊，唔好諗錯，我地將 ‘ 叫人一齊食白切雞 ’ 簡稱做‘叫雞’…
我黎交大真係變左好多，不過我無變壞到啊！我既內心都仲係純真，純潔，純情既小朋友黎既…）

---

之後翻交大，係門口想問下佢地菁菁堂入面點？點知裡面又無信號，劉理又話唔去睇，
算，食飯返歸沖涼。
然後馬仔同精華又相繼的離去，我同劉理去左新疆食小盤雞…
（其實，點解又係食雞既？交大無其它動物食咩？）
我地係冷氣機底下討論左我地未來十年既動向，繪畫出我地未來人生的籃圖，
結論係劉理係七月會去澳門玩……

食完小盤雞又走甘件，剩翻我自己翻屋企，雖然好飽，但係當然要買定宵夜啦，
鬼叫你個死仔得68KG咩…

---

路上又見到有couple打打鬧鬧，自己不經意的又傻笑左出黎，呢個習慣真係改唔到，
不過，我都唔想改啊！反正，我暫時仲想一直都甘細路…
回憶妳日日都仲係交大，係我身邊哥陣……（隱藏非公開的23萬字），我就會明白到，
我同劉理係新疆的對話，我同佢的想法真係好唔同，不過無所謂啊！
反正我咩想法都可以接受同理解！劉理，我地一齊努力啦！！

---

翻到寢室，打開comic睇vos直播，話前面有一part跳舞好正，
又諗起妳上年VOS…（再隱藏非公開的31萬字），時間過得真係快…

好多人唱歌都唔好聽，又唔靚，無咩好睇，唯一的樂趣，就係兩個群轉黎轉去，
串下d台上表現d人，同時又睇bbs，有個貼話半年前追左條女，現在覺得佢唔靚，
條女又好溫柔，開唔到口飛人，想請教下大家…
低B食屎架…呢d甘既仆街…食足三年屎都唔夠喉，益左佢…

---

VOS無驚無險又完啦，無咩感動，上年比較有feel，可能上年係，現場+老婆在旁，比較感觸，
今年係我眼中又回復一直我對煽情節目的看法：所有係鏡頭面前既野都係假既…

---

睇完VOS百無聊賴，就down左十分愛落黎睇！（其實初頭想寫space都係因為睇左呢出野…）
一開始就有驚喜，覺得幾搞笑，方力申要特登扮壞人，無咩表情…
當中有好多的經典對白同招式，有意投身曖昧此道的要好好學習，
我覺得個結尾有d多餘，我一直都係好心好報型，stephy甘辛苦回頭是岸，應該有好的結局先致岩，
我係度想，方力申係整個過程度有邊句係真心話呢？
係山頂上面哥句，你無真心對人，你有報應？
或者，其實stephy飛佢哥陣，所有野都係方力申搞stephy既？
唔知，電影都無講。

其實呢d野無得推論架？
好似猜包剪du甘，估人地出包，甘我當然出剪啦！
但係我諗到，人地都會諗到架！
所以佢應該會出du，甘我呢個時候出包就得啦！
但係我甘諗，人地都可能會知道架wo！
所以我要轉成du，du佢想剪我包既剪！
…………
…………
…………
最後都係無結果…

---

如果你有一日，見到對方有其它露骨電話，點算？信定唔信？
信左，可能好似stephy最後信方力申甘…
唔信，又驚好似誤會張敬軒甘，錯過大好的綠份…

呢出電影跟本就出左個兩難命題比我地，但係對我地解決問題一d幫助都無，
唔通好似鐘嘉欣甘狂信人？佢算撞到個好人，撞到個真係衰既，十世都唔夠死…

---

總之做既野，自己無悔就好啦，
反正，我相信，命運早就寫在造物者的手冊中，我地幾緊張，幾後悔，都無補於事架？
（非造物主，此處應解釋為未知的世界主宰，在我未有宗教信仰前，其不屬於現在所知的任一完教偶像）
以平常心面對一切問題！！

---

發完o急風，都係覺得，都係想同多d人一齊睇，但係唔好係戲院睇，唔出得聲…
甘樣睇呢出戲肯定大把野講！

---

唔講啦，都唔記得一開始想講咩，現在睇翻翻轉頭，
以上的文字…連飄過我腦海中想法十分之一的內容都未夠，一直想仲有好多細節要補充…
人腦真係神奇，裝到甘多野，
我地人類發明既意文字其實都幾雞，都記錄唔全…

唔知幾時有哥種裝置可以將我所有既記憶整曬落黎呢？哈哈

 

近排一切都好順利，研究生的生活果然清閒過本科，近排都出左去好多次，又張家界，又蘇州，又南京。

每一次旅程都增長左我的閱歷，當然旅行的最重要一點昅女唔可以無啦。

個人高dd，同對眼好dd，真係有好多好處，除左最主要的用途外，平時找路、認人、找人都會方便好多。

多謝阿媽，老豆，阿嫲，阿爺，公公，婆婆……生到我甘樣，多謝。

講起又高又好眼，當然唔可以唔講敏強啦，佢兩樣都仲好過我，所以好多時我地發現的目標都好相同。

我地幾個邪惡軸心中，就數我同敏強應該係最邪惡的了，每次都一定有我地兩個份，無計啦，我同佢都一齊甘貪玩。

貪玩的興趣又比較相同，連續猜5,6鋪《包剪X》都一樣就知道了。

不過，現在都已經係07.06.12了，一切都到這個地步了。

世界上好多野就係甘，你大便的時候好開心、好爽，但係爽完之後，就有一種空虛的失落感。

所有野就係甘：有開始，就會有終結…

有時你覺得仲想繼續大，但係偏偏又大唔出……

唔通你想點就點咩…

換個角度睇，

無相聚的開心又點會睇會到分離時的悲傷呢？

無昅過索女又點會知道豬排生咩樣的呢…

所以，我非常的慶幸，可以同各位係交大聚首一堂，多謝大家。

多謝大家，我唔敢寫咩一世都會記得大家…

我地要行既路仲有好長，我地以後的身邊仲會出現好多新既人和事，

但係我知道，我係交大的回憶裡面，一定會記得一班好好玩既學弟學妹。

唔想寫落去了，我都係keep翻哥個無厘頭的搞笑型像比較好d。

 

P.S: 你地班大四的，走之前集體叫翻我聲學長等我威下好wo…